Đĭ pơhiăp amăng mông mă bruă ƀơi tơring čar Bến Tre, Kơ-iăng khua mir sir Võ Thị Ánh Xuân hur har pran jua yua amăng thun laih rơgao, dêh čar ta dưi găn rơgao lu tơlơi tơnap tap kiăng hơmâo sa, dua boh than dưi ngă yôm phăn amăng djop mơta bruă. Kơ-iăng khua mir sir rơkâo Ping gah, gong gai hăng mơnuih ƀôn sang tơring čar Bến Tre tŏ tui gir run hloh kiăng dưi ngă hơdôm hơnong pơkă mơ̆ tơlơi pơtrun Jơnum djop gưl ba tơbiă; đing nao tuh pơ alin amăng hơdôm bruă tui gru grua, mơnuih mơnam, ia jrao, pơtô pơjuăt, hơdôm tơlơi dưi sit nik amăng mơnuih mơnam, sit biă ñu kual ataih, asuek, kual ngă hơkrŭ đưm hlâo. Mơng anun, kiăng mơnuih ƀôn sang hrưn đĭ klă dong amăng tơlơi hơdip mơda.

Ƀrô tal anai, Kơ-iăng khua mir sir Võ Thị Ánh Xuân hơmâo jao kơƀang pơ anăn mă brơi tơring čar Bến Tre, man pơdong 10 boh sang gum pơgôp, nua ñu 500 klăk prăk; keh prăk djru ƀing čơđai Việt Nam jao 200 klăk prăk djru brơi ƀing čơđai tơnap tap. Laih dong, jao 200 anung gơnam brơi sang anŏ ƀun rin, giăm ƀun rin, sang anŏ tui hơdră djru tơnap tap; 200 anung gơnam brơi kông ñơn, mơnuih mă bruă; 200 anung gơnam brơi ƀing čơđai tơnap tap hloh amăng tơring čar, abih tih nua ñu 700 klăk prăk.