Nao čuă hăng pơ alum pran jua ƀing apăn bruă, ling tơhan Tiểu đoàn Bộ Binh 1, gah Khul tơhan 754, anom bruă git gai ling tơhan tơring čar Sơn La, Kơ-iăng Khua mir sir lăng yôm tơlơi gir run mơng ƀing apăn bruă, ling tơhan lơm pơsir hĭ tơnap tap, gir run pơgiong djop bruă jao. Kơ-iăng khua mir sir rơkâo ling tơhan Sơn La lăi hrŏm, Tiểu đoàn Bộ binh 1 hnun mơn tŏ tui gơgrong kiăo tui lăng, đăo lăng hlâo tơlơi sit nik; gơgrong pơphô bruă brơi gưl Ping gah, gong gai ƀon lan, Quân khu 2 hăng Ding jum ling tơhan pơsir hĭ hmao tlôn hơdôm tơlơi rung răng, anăm brơi kơtuă ôh.

Ƀrô tal anai, Kơ-iăng Khua mir sir Võ Thị Ánh Xuân hơmâo jao 30 anung gơnam brơi hơdôm boh sang anŏ tơnap tap, 20 anung gơnam brơi ƀing čơđai sang hră ƀun rin amăng plơi prong Sơn La; jao prăk djru man pơdong 10 boh gum pơgôp brơi tơring čar Sơn La.