VOV4.Jarai - Tŏ tui tal nao čuă sit nik dêh čar Croatia, Kơ-iăng khua mir sir yă Võ Thị Ánh Xuân hơmâo bưp Khua mir sir dêh čar Croatia Zoran Milanovic. Ƀơi mông bơbưp, yă Võ Thị Ánh Xuân hok mơ-ak hăng bơni kơ Khua mir sir Croatia pioh mông čơkă khul khua mua, pơsit Việt Nam lêng kơ lăng yôm hăng čang rơmang pơđĭ kơjăp tui tơlơi rô nao rai giăng mah, ngă hrŏm amăng lu bruă mơng dua boh dêh čar hơmâo akŏ pơjing mơng hlâo, lơ̆m Croatia glăk dŏ amăng Khul pơlir hơbit Nam Tư hơđăp.

Khua mir sir Croatia čơkă Kơ-iăng khua mir sir yă Võ Thị Ánh Xuân.

Dua čô khua tŭ ư pơđĭ tui bruă bơbưp khua mua pơprong djŏp gưl, biă ñu tŭ ư hrŏm hơdôm hơdră djru pơđĭ tui tơlơi rô nao rai dua bơnah, biă ñu gah bruă bơwih ƀong - sĭ mơdrô - tuh pơ plai ăt kah hăng pok prong ngă hrŏm gah bruă tuai hyu ngui, pơdŭ pơgiăng, pơtô pơjuăt, bơkơjăp drơi jăn.

Siu H’Mai: Pơblang