Ră ruai hăng Kơ-iăng khua mir sir Việt Nam, Khua mir sir ơi Nyusi lăng yôm biă mă tal nao čuă mơ̆ng grup khua mua Việt Nam, pơdah pran jua đăo kơnang tal čuă jơmư anai mơ̆ng Kơ-iăng Khua mir sir Việt Nam hăng grup amra jơnum bơkơtuai nao rai dua bơnah kiăng pơtrut pran jua kơtang mă bruă phrâo, pơgôp hrom hloh bruă mă lu mơta Việt Nam-Mozambique pơ anăp anai.

Ƀơi mông jơnum, dua čô khua pơdah pran jua hok mơak ƀuh boh tơhnal ngă bruă amăng dua hơpluh thun rơgao, boh nik amăng bruă pơtom hiăp-kơđi čar, bruă ngă hmua, dăng kông, pơtô hăng pơjuăt laih anun ngă hrŏm djop bruă mă jơnum amăng jar kmar kah hăng Sang gum hơbit djop dêh čar hăng Phung ngă hrŏm ƀu pơlir sit nik. Dua čô khua tŭ ư jao kơ djop ding jum, anom bruă dua bơnah pơčrong sai nao rai hơdôm bruă mă tum teč hloh tui anăp ngă bruă dưi hơmâo khua mua dua bơnah pơsit laih.