Mơnuih ƀôn sang Việt Nam ƀơi Mozambique ră anai hơmâo năng ai 200 čô mơnuih glăk dŏ hơdip, mă bruă hơđong amăng bruă sĭ mơdrô, dăng kông, pơtô hrăm, ia jrao hăng ƀing čơđai sang hră gưl anet prong. Kơ-iăng khua mir sir hơmâo lăi nao kơ kơđi čar, bơwih ƀong, mơnuih mơnam, bruă rŭ glăi tơdơi kơ Covid-19 ƀơi dêh čar ta amăng hrơi blan rơgao; lăi pơthâo boh than klă hiam mơng hrơi nao čuă sit nik dêh čar Mozambique kiăo tui mông bơkơtuai hăng Khua dêh čar Mozambique, bưp Khua mir sir hăng Khua git gai pơ ala mơnuih ƀôn sang dêh čar Mozambique, bưp Khua djru bruă Ping gah ngă akŏ Frelimo, pơ ala kơ hơdôm anom bơwih  ƀong dêh čar Mozambique.

Kơ-iăng khua mir sir lăi, Ping gah, Kơnuk kơna lêng kơ lăng ba mơnuih ƀôn sang Việt Nam pơ tač rơngiao, amăng anun hơmâo mơnuih ƀôn sang ƀơi Mozambique; bơni kơ mơnuih ƀôn sang ƀơi Mozambique lêng kơ thâo gum pơgôp, djru nao rai tơdruă, hơđong tơlơi hơdip, mut hrŏm mơ-ak hăng mơnuih ƀôn sang pơ dêh čar gơñu glăk hơdip.