Tơdơi kơ mông čơkă, Kơ-iăng khua mir sir hơmâo jơnum hăng Ană ơi pơtao Japan hăng Bơnai ñu. Amăng hrơi mông mơ-ak mơ-ai, thâo khăp ƀu-eng, Kơ-iăng khua mir sir yă Võ Thị Ánh Xuân hok mơ-ak lơ̆m hơmâo čơkă Ană pơtao Japan hăng Bơnai ñu rai čuă Việt Nam krĕp hrơi ngă lơphet 50 thun rô nao rai pơtom hiăp (lơ 21/9/1973-21/9/2023); kơnang kơ tal rai čuă mơ̆ng rơkơi bơnai ană ơi pơtao Japan amra jing tơlơi yôm, kơđŏm gru, thâo hluh nao rai hăng ƀu-eng nao rai hloh, mơ̆ng anun pơđĭ tui dong tơlơi rô nao rai ngă hrŏm dlăm prong hloh kơplah wah Việt Nam hăng Japan amăng hrơi blan pơ anăp.

Ană pơtao Akishino bơni kơ bruă čơkă, tŭ jum khăp ƀu-eng mơ̆ng khua mua hăng mơnuih ƀôn sang Việt Nam; lăi Việt Nam jing dêh čar ngă gŏp jê̆ giăm, đăo kơnang, gum hrŏm mơ̆ng Japan; pơsit amra gir hloh yua kơ tơlơi ngă hrŏm mơ-ak klă kơplah wah dua boh dêh čar amăng hrơi blan pơ anăp.