Đĭ pơhiăp amăng mông jơnum, kơ-iăng Khua mir sir yă Võ Thị Ánh Xuân pơtă, tơring čar Cà Mau tơdơi kơ pơmut hrŏm hơmâo lu tơlơi dưi kiăng pơđĭ kyar, samơ̆ ăt dŏ lu tơnap tap anun lĕ: Jơlan glông, gơnam măi mok aka ƀu yua ha amăng plĕ; tơlơi hơdip mơnuih ƀôn sang, sit biă ñu lĕ kual ataih, lu anih aka ƀu pơplih phrâo. Tơring čar Cà Mau kiăng tŏ tui pran kơtang mơng lăm, ngă tui bruă dưm dăp, tuh pơ alin hăng pơđĭ kyar djop mơta tơlơi bơwih ƀong huă hăng gru grua mơnuih mơnam, wai pơgang rơnuk rơnua bơkơnar, ha amăng plĕ.

Kơ-iăng Khua mir sir yă Võ Thị Ánh Xuân rơkâo, tơring čar Cà Mau pok pơhai hăng ngă tui hơdôm tal pơplông khăp kơ lŏn ia brơi sit nik, ba glăi boh tŭ yua brơi mơnuih mơnam. Ƀrô tal anai, tơring čar Cà Mau hơmâo arăng jao miđai mă bruă mrô I; 7 čô mơnuih tŭ mă miđai mă bruă djop mrô; 9 khul grup, mơnuih tŭ mă hră pơpŭ mơng Khua dêh čar; 163 grup, 419 čô mơnuih tŭ mă hră pơpŭ mơng Jơnum min mơnuih ƀôn sang tơring čar.