VOV4.Jarai - Mơguah lơ 19/9, Kơ-iăng Khua mir sir yă Võ Thị Ánh Xuân nao ngă lơphet hơdor glăi 60 thun hrơi gru grua ling tơhan 962, Quân khu 9 (19/9/1962 - 19/9/2022). Amăng mông ngă lơphet, ƀrô tal hơdor glăi 60 thun hrơi gru grua ling tơhan 962, hơmâo tŭ mă hră mơ-it mơng Khua ding jum ling tơhan ơi Phan Văn Giang. Pơ ala brơi Ping gah Ling tơhan dêh čar, Ding jum ling tơhan, Ding kơna Ding jum kơđi čar, Khua ding jum ling tơhan, Đại tướng Phan Văn Giang hơmâo mơ-it nao tơlơi pơpŭ hiam klă hloh kơ abih bang ling tơhan glăk mă bruă amăng Khul ling tơhan 962, Quân khu 9.

Kơ-iăng Khua mir sir yă Võ Thị Ánh Xuân ăt jao rup Khua mir sir Hồ Chí Minh brơi ƀing apăn bruă, ling tơhan 962, Quân khu 9. Ƀrô tal anai, Ding jum ling tơhan hăng Jơnum min mơnuih ƀon sang tơring čar An Giang ăt jao hră pơpŭ kơ ling tơhan 962, Quân khu 9 yua gum pơgôp prong prin amăng pơgang klin Covid-19, pơhlôm hơđong mơnuih mơnam kual giăm guai amăng thun blan laih rơgao.

Siu Đoan: Pơblang