Pơhiăp amăng mông jơnum tŭ jum, Kơ-iăng khua mir sir yă Võ Thị Ánh Xuân lăng yôm hăng bơni biă mă hơdôm boh tơhnal mơ̆ khul đah kơmơi mut phung Ding jum man pơphô hăng tuh pơ alin dưi ngă, djru hrŏm prong prin biă mă amăng bruă pơđĭ kyar lŏn ia. Hơmâo tơlơi gum djru prong mơ̆ng Ping gah, Kơnuk kơna, lu thun rơgao, khul đah kơmơi Việt Nam hơmâo pơdah rơđah tơlơi gơgrong glăm ba hrŏm abih bang mơnuih mơnam amăng dêh čar, hơmâo ƀuh djop laih mơ̆n, laih dơ̆ng hơmâo pơyơr pran jua mă bruă lu amăng bruă wai pơgang hăng man pơdong lŏn ia.

Kơ-iăng khua mir sir rơkâo Ding jum Man pơphô hăng Tuh pơ alin đing nao lu hloh kơ adơi amai đah kơmơi, akŏ pơjing anih anom mă bruă, gêh găl pơđĭ kyar brơi kơ đah kơmơi hrơi, djru ba, pơpha bruă djơ̆ hăng tơlơi thâo kiăng ƀing đah kơmơi pơyơr pran jua mă bruă lu hloh.