Ƀơi mông jơnum bưp, ƀing tơbiă anăn hơmâo lăi pơthâo bruă gơñu či ngă, pơtum nao kơ bruă djru pơgôp hrŏm čih pơkra tơlơi phiăn dêh čar, kơtưn krăp lăng, rơkâo đĭ  hơdră pơsir tơlơi bơwih ƀong huă mơnuih mơnam, pơblih bruă ngă hră pơar, djru kơ sang bruă mơdrô hăng pơđĭ tui tơlơi hơdip mơda mơnuih ƀôn sang.

Ƀing tơbiă anăn pioh ruah khua lăi pơtong, tơdah dưi ruah đĭ dơ̆ng, amra ngă djop tơlơi glăm ba mơ̆ mơnuih ruah khua ưh kơnang, pơtruh nao rai na nao hăng mơnuih ruah khua, lăi pơthâo anŏ kiăng, tơlơi pơgôp hiăp mơ̆ng mơnuih ƀôn sang ruah khua hăng mông jơnum ƀing pơ ala mơnuih ƀôn sang dêh čar. Kơ-iăng khua pơ ala mơnuih ƀôn sang dêh čar, ơi Nguyễn Khắc Định lăi pơtong, tơdah dưi ruah đĭ amra tuh rơyuh abih pran jua, tơlơi pơmin bruă ngă, tơlơi thâo thăi amăng bruă čih pơkra tơlơi phiăn dêh čar, krăp lăng hăng pơsit hơdôm tơlơi yom amăng dêh čar, kiăng pơgang ba tơlơi dưi hăng anŏ tŭ yua kơ djơ̆ găl kơ mơnuih ƀôn sang.