Amăng hră lăi pơthâo hăng grup hyu mă bruă, khua pơ ala Ping gah tơring čar Sóc Trăng brơi thâo, mơng akŏ rơwang thun mă bruă 2021-2025 truh ră anai, tơring čar Sóc Trăng hơmâo ngă hăng glăk pok pơhai lu ring bruă, akŏ bruă akŏ phun pơgôp pơtrut pơđĭ kyar bơwih ƀong huă-mơnuih mơnam amăng tơring čar, amăng anun hơmâo sa, dua akŏ bruă bơdjơ̆ nao prong bruă pơđĭ kyar bơwih ƀong huă-mơnuih mơnam, him lăng thun 2025 amra ba nao mă yua anun lĕ jơlan rơdêh đuăi hmar Châu Đốc-Cần Thơ-Sóc Trăng; jơlan pơkuh nao rai pơđĭ kyar kual Ngŏ Yŭ; Jơlan wer mrô I, II…

Rơnoh pơđĭ kyar bơwih ƀong huă amăng 3 thun rơwang thun 2021-2023 truh pơ 5,76% ha thun. Ngă hmua pơđĭ kyar anăp nao gơnam hiam hơdjă hăng sĭ hơmâo nua. Pơdai jơman, hiam hơdjă truh rơbêh 90%. Lu dơnao rông hơdang ba glăi tŭ yua hơmâo pok prong… Đĭ pơhiăp amăng mông mă bruă, kơ-iăng Khua pơ ala mơnuih ƀôn sang dêh čar ơi Trần Quang Phương čang rơmang Ping gah, gong gai hăng mơnuih ƀon sang tơring čar Sóc Trăng pơtrut tŏ tui pran gum pơgôp, pơsir hĭ tơnap tap, găn rơgao tơlơi lông ngă pơgiong hơnong pơkă tui tơlơi pơtrun mơng Jơnum Ping gah dêh čar tal 13 hăng Jơnum ping gah tơring čar tal 14 ba tơbiă./.