Pơhiăp ƀơi mông bưp, Kơ-iăng khua pơ ala mơnuih ƀôn sang čih pioh, bơni hăng lăng yôm biă mă boh tơhnal bruă mă mơ̆ng Khul wai lăng gơnam gru grua đưm Việt Nam thun blan rơgao. Kơ-iăng khua pơ ala mơnuih ƀôn sang Trần Thanh Mẫn lăi pơtong jơlan hơdră mơ̆ng ping gah, kơnuk kơna đing nao biă kơ bruă pơđĭ kyar gru grua hiam, djă pioh gru grua mơ̆ng đưm djuai ania, dêh čar kah hăng pơđĭ kyar bơwih ƀong huă mơ̆n, hăng tơlơi thâo ia rơgơi phrâo laih anun bơkơnar mơnuih mơnam.

Biă mă ñu, Tơlơi phiăn djă pioh gru grua đưm jing hră tơlơi pơkă yôm, ngă atur tơlơi phiăn pơkă kơ bruă djă pioh, wai pơgang gơnam gru grua hiam đưm laih anun kơtưn anŏ tŭ yua bruă wai lăng mơ̆ng kơnuk kơna amăng bruă anai, pơđĭ tui tơlơi gơgrong mơ̆ng mơnuih ƀôn sang ngă hrŏm djă pioh pơgang ba gơnam gru grua hiam đưm djuai ania.