Kơdrưh kơ-ang Tŭi ñang, hơ-ŭ kơ Tơhan djai pơsăn drơi kơ lŏn ia ƀơi Gạc Ma
Thứ năm, 16:03, 14/05/2026
VOV Tây Nguyên/Siu H'Mai Pơblang
VOV Tây Nguyên/Siu H'Mai Pơblang
VOV.Jarai - Mơguah lơ 13/5, ƀơi Anih hơdor hơ-ŭ kơ tơhan Gạc Ma (tơring čar Khánh Hoà), Khul mă bruă mrô 17 nao čuă hăng mă bruă ƀơi hơdôm bul pơtâo ia rơsĭ gah Kual Trường Sa (tơring čar Khánh Hoà) sang Sang khuer ia jâo DK1 pơphun tŭi ñang hơdor kơ 64 čô khua, ling tơhan ia rơsĭ Việt Nam djai amăng thun blah ngă pơgang Gạc Ma lơ 14/3/1988.
Khul khua yua Đại tá Nguyễn Duy Thiều, Kơ-iăng khua Hậu cần - Kỹ thuật, Cục Hậu cần - Kỹ thuật Hải quân (tơhan sơlup) ngă khua khul hrŏm hăng ƀing gŏp tơhan nao dưm bơnga, tŭi ñang ƀơi gong kut tơhan “Mơnuih dŏ glăi gah yŭ yang hrơi lê̆”, pioh mơnit mông hơdor bơni kơ tơlơi djai pơsăn drơi yua kơ lŏn ia mơ̆ng 64 čô khua, tơhan sơlup mơnuih ƀôn sang Việt Nam.
Bruă anai pơƀuh tơlơi thâo pơmin hơdor tơngia “Mơñum ia hơdor kơ hnoh, Ƀong boh hơdor kơ pô pla”, pơpŭ kơ ƀing rơgơi mơbruă, djai drơi pô či pơgang ba ia rơsĭ lŏn ia ta./.
Viết bình luận