Kon Tum: Bưp 155 čô mơnuih rơgơi hră, apăn bruă adoh suang, čih hră pơhing thun 2024
Thứ bảy, 15:17, 03/02/2024
VOV Tây Nguyên/Siu H'Mai Pơblang
VOV Tây Nguyên/Siu H'Mai Pơblang
VOV4.Jarai - Tlam lơ 2/2, ƀơi plơi prong Kon Tum, Khul apăn bruă git gai Ping gah tơring čar Kon Tum pơphun bưp 155 čô mơnuih rơgơi hră, apăn bruă adoh suang, mơnuih čih hră pơhing rơgơi amăng akŏ bơyan bơnga Giáp Thìn 2024.
Pơhiăp ƀơi mông bưp, ơi A Pớt, Kơ-iăng khua Ping gah tơring čar Kon Tum pơsit tơlơi gum pơgôp prong mơ̆ng mơnuih thâo hră, apăn bruă adoh suang, mơnuih čih hră pơhing amăng bruă pơđĭ kyar bơwih ƀong huă tơring čar thun 2023 hơmâo 7,23%.
Pơsit thun 2024 jing thun kiăng ngă ječ ameč Tơlơi pơtrun mơ̆ng jơnum Ping gah djŏp gưl hăng akŏ bruă pơđĭ kyar bơwih ƀong huă - mơnuiuh mơnam rơwang thun 2021-2025, Kơ-iăng khua Ping gah tơring čar Kon Tum A Pớt čang rơmang mơnuih rơgơi, apăn bruă adoh suang, mơnuih čih hră pơhing pơtrut tui boh than hơmâo ngă, gir gum djru Ping gah, gong gai hăng mơnuih ƀôn sang djŏp djuai ania amăng tơring čar akŏ pơdong tơring čar Kon Tum jai hrơi pơdrong sah, hơđong hăng đĭ kyar.
Viết bình luận