VOV4.Jarai - Kiăng gơgrong pơhlôm hlâo hơjan ia ling dăo mơng kơthel mrô 5, gơnong bruă bơdjơ̆ nao tơring čar Kon Tum glăk nao pel ĕp, pok pơhai ngă tui hơdôm hơdră kiăng pơhlôm kjăp ƀơi hơdôm dơnao pơkŏng ia. Đơ đam tơring čar Kon Tum ră anai hơmâo 85 dơnao pơkŏng ia dưi pơkŏng giăm 93 klăk m3 ia. Hơmâo jao wai lăng, pok ia ƀơi 79 boh dơnao prong amăng tơring čar, ơi Nguyễn Văn Dẫn, Kơ-iăng khua anom wai lăng - mă yua hơdôm boh dơnao pơkŏng ia tơring čar Kon Tum brơi thâo, mơng lơ 13/10, anom bruă hơmâo pok pơhai hơdră pơhlôm hlâo hơdôm ring bruă hŭi pơčah.

Ia krông čroh hnoh ƀơi tơring glông Đăk Tô, Kon Tum prong yua kơthel mrô 4- Noru

Ƀơi hơdôm boh dơnao, anom bruă pơkiăo nao mơnuih wai lăng tơl anih, ƀơi hơdôm anih wai lăng dơnao pơkŏng ia ƀơi 10 boh tơring glông, plơi prong hăng anom bruă wai lăng. Anăm pơtah tai, ngă amưng, ră anai bruă pơhlôm hlâo hơjan kơthel yua bơbeč mơng kơthel mrô 5 glăk tŏ tui hơmâo Khul wai lăng - mă yua hơdôm ring bruă dơnao pơkŏng ia tơring čar Kon Tum tŏ ngă tui khut khăt, wai lăng amăng tơhrơi kah hăng mlăm.

VOV Tây Nguyên/Siu Đoan: Pơblang