Kon Tum hăng Ratanakiri (Kur) kĭ pơkôl kơtưn ngă hrŏm mơ̆ng 2023-2028
Thứ sáu, 10:54, 20/10/2023
VOV Tây Nguyên/Nay Jek pơblang
VOV Tây Nguyên/Nay Jek pơblang
VOV4.Jarai-Kiăng pơđĭ tui bruă ngă hrŏm kiăng pơđĭ kyar soh, mơguah lơ 19/10, ƀơi plơi prong Kon Tum, Grup khua mua tơring čar Kon Tum hăng Grup khua mua tơring čar Ratanakiri dêh čar Kur jơnum lăi pơthâo tơlơi pơhing bơwih ƀong huă dua bơnah, pơtong glăi boh tơhnal ngă hrŏm thun blan rơgao, pơčrong sai bruă mă pơ anăp adih mơ̆ng 2023-2028.
Pơhiăp ƀơi mông mă bruă, ơi Dương Văn Trang, ding kơna apăn bruă ping gah dêh čar, Khua git gai ping gah, khua jơnum min pơ ala mơnuih ƀôn sang tơring čar Kon Tum lăi, tơlơi gum pơgôp giăng mah mơ̆ng đưm, tơlơi ngă hrŏm hlom bom plah wah Việt Nam hăng Kur laih anun 2 boh tơring čar Kon Tum hăng Ratanakiri ƀu pơdơi ôh, pơđĭ kyar jing ba gru hiam, kông ngăn ƀu hơmâo rơnoh pơkă.
Kơ boh yôm phun ngă hrŏm dua bơnah tơring čar pơ anăp adih, tui hăng tơlơi thâo huh tơdruă, đăo kơnang nao rai, ơi Dương Văn Trang rơkâo tơring čar Ratanakiri ngă gêh găl kơ mơnuih ƀôn sang Việt Nam dŏ hơdip mơda hăng mă bruă ƀơi tơring čar Ratanakiri hơđong tơlơi hơdip mơda, djru hrŏm lu hloh amăng bruă pơđĭ kyar tơring čar.
Viết bình luận