VOV4.Jarai - Mơguah (28/9), mah huăi bơdjơ̆ nao kơtang hloh tui hăng tơlơi pơhŭi hlâo anun, samơ̆ ƀơi tơring čar Kon Tum kơthel mrô 4 ăt ngă hơjan ia ling dăo lu đang hmua, lŏn tơhlŏm ƀơi hơdôm rơtuh anih kơtuai tui jơlan glông.

Sa anih lŏn tơhlŏm rok jơlan mrô 40B găn nao tơring glông Tu Mơ Rông

Gong gai djop gưl ră anai glăk pơphun rŭ pơkra anih răm rai hăng rơkâo mơnuih ƀon sang anăm ngă amưng, pơtai tai hăng hơjan hlim kiăo tui tlôn kơthel mrô 4.

Ia krông čroh hnoh ƀơi tơring glông Đăk Tô prong ngă dăo đang hmua

Hrŏm hăng bruă kơtưn amăng rŭ pơdong glăi kiăng pơhlôm jơlan glông nao rai, gong gai djop gưl amăng tơring čar Kon Tum, sit biă ñu ƀơi hơdôm tơring glông: Tu Mơ Rông, Kon Plông, Đăk Glei… glăk djru brơi mơnuih ƀon sang rŭ pơkra glăi anih răm rai anun lĕ sang dŏ, đang hmua djru brơi mơnuih ƀon sang tañ hơđong tơlơi hơdip mơda. Laih dong tŏ tui kiăo tui lăng, anăm ngă amưng, pơtai tai hăng hơjan hlim kiăo tui tlôn kơthel mrô 4.

Siu Đoan: Pơblang