Kon Tum: Lu hơnong pơkă yôm phăn thun 2023 aka ƀu dưi ngă djơ̆ tơlơi pơkă ba tơbiă
Thứ tư, 10:39, 06/12/2023
VOV Tây Nguyên/Siu Đoan Pơblang
VOV Tây Nguyên/Siu Đoan Pơblang
VOV4.Jarai-Ngă tui tơlơi pơkă Ping gah Cộng sản Việt Nam hăng tơlơi pơkă bruă mă mơng Ping gah tơring čar, tom brơi (5/12), ƀơi plơi prong Kon Tum, Khul apăn bruă Ping gah tơring čar Kon Tum pơphun Jơnum lok 14 Khul apăn bruă Ping gah tơring čar tal XVI pok prong.
Lăng nao bruă ngă tui bruă jao bơwih ƀong huă-mơnuih mơnam amăng Ping gah tơring čar Kon Tum brơi ƀuh thun 2023 lu hơnong pơkă yôm phăn aka ƀu dưi ngă. Sit biă ñu rơnoh pơđĭ kyar ba tơbiă lĕ rơbêh 10% samơ̆ him lăng dưi ngă 7,32%; pơhrui ngăn drăp Kơnuk kơna ba tơbiă 4.500 klai prăk samơ̆ him lăng dưi pơhrui glăi 4.200 klai prăk; jao trun prăk tuh pơ alin man pơdong kơnong giăm 44% pơhmu hăng rơnoh mơ̆ ƀon lan jao hrŏm hăng anun lĕ lu tơlơi tơnap tap, aka ƀu klă.
Amăng jơnum lok 14, Khul apăn bruă Ping gah tơring čar Kon Tum tal XVI hơmâo đing nao pơčrông sai, ngă rơđah tơlơi ba truh, tơlơi glăm ba mơng rĭm gơnong bruă, ƀon lan hăng hơdôm anŏ aka ƀu klă, laih dong ba tơbiă hơnong pơkă hăng hơdră pơsir hĭ amăng thun 2024.
Viết bình luận