Đơ đam tơring čar Kon Tum ră anai hơmâo 87 boh anih sĭ mơdrô ia săng, ia jâo, rĭm thun sĭ giăm 120.000 m3. Ră anai mah ia săng, ia jâo glăk đĭ trun samơ̆ hơdôm sang sĭ mơdrô ƀơi Kon Tum ăt pơhlôm brơi djop ia săng, ia jâo yua. Anai lĕ anom bruă sĭ mơdrô Kơnuk kơna sĭ giăm 65% ia săng, ia jâo amăng tơring čar, anom bruă sĭ mơdrô ia săng, ia jâo tơring čar Kon Tum pơsit tong Petrolimex Kon Tum amra pơhlôm brơi djop ia săng, ia jâo yua amăng hơdôm blan rơnuč thun.

Sang sĭ ia săng, ia jâu mơng Petrolimex Kon Tum

Ơi Nguyễn Văn Thành, Kơ-iăng Khua anom bruă sĭ mơdrô ia săng, ia jâu Kon Tum brơi thâo, sang sĭ mơdrô Petrolimex dưi pơhlôm sĭ mơdrô giăm 2.300 m3 hăng pơhlôm ia săng, ia jâo pioh sĭ 80%. Tơdah bưp rung răng, tơnap tap, Petrolimex Kon Tum amra pơhlôm ia săng, ia jâu brơi mơng mơnuih ƀon sang mơng 15-20 hrơi. Hrŏm hăng anun anom bruă ăt gơgrong mă bruă hăng hơdôm anih anom sĭ mơdrô kiăng pơhlôm huăi kơƀah amăng hơdôm blan rơnuč thun.