Kơnong amăng 3 hrơi pơplông, ƀing čơđai sang hră djuai ania ƀiă hăng ƀing čơđai tơnap tap amra hơmâo arăng djru brơi mơng 250-300 rơbâo prăk. Hrŏm hăng anun tơring čar Kon Tum ăt akŏ pơjing hơdôm grup gum djru ƀơi 12 anih pơplông, amra djru brơi ƀing čơđai hơmâo anih dŏ hăng rơdêh đuăi nao rai.

Tal pơplông abih anih 12 thun anai tơring čar Kon Tum hơmâo rơbêh 5.000 čô čơđai čih ană nao pơplông, amăng anun hơmâo rơbêh 1.700 čô čơđai djuai ania ƀiă. Bruă gum djru brơi čơđai mơnuih djuai ania ƀiă hrŏm hăng rơbêh 1.100 čô čơđai sang anŏ tơnap tap hrăm glăi tong ten kah hăng djru brơi amăng hơdôm hrơi pơplông hơmâo gong gai, khul grup hăng gơnong bruă pơtô pơjuăt tơring čar Kon Tum đing nao biă mă.