VOV4.Jarai - Amăng dua hrơi lơ 10 hăng 11/10, ƀơi tơring glông Tu Mơ Rông, tơring čar Kon Tum hơjan prong biă mă. Pơgang hŭi hơmâo ia dăo prong, lŏn tơhlŏm, tơring glông Tu Mơ Rông brơi čơđai sang hră pơdơi hĭ. Tong ten ñu, Jơnum min mơnuih ƀon sang tơring glông Tu Mơ Rông kiăng Anom bruă pơtô hăng pơjuăt tơring glông lăi pơthâo brơi čơđai pơdơi mơng lơ 11/10 laih anun kơnong brơi čơđai pơwơ̆t glăi hrăm lơ̆m rơnuk rơnua đôč.

Čơđai sang hră tơring glông Tu Mơ Rông pơwơ̆t glăi hrăm tơdơi kơ kơthel mrô 4 - Noru.

Ơi An Văn Sáu, Khua anom bruă pơtô hăng pơjuăt tơring glông Tu Mơ Rông brơi thâo, Anom bruă hơmâo lăi thâo tañ laih hăng 25 boh sang hră ƀơi tơring glông, laih anun hơmâo 8.224 čô čơđai djŏp gưl pơdơi sang hră dŏ pơ sang kơđap hơjan kơthel ia dăo. Ƀing khua sang hră, nai pơtô ăt pơtô brơi ƀing čơđai pơhlôm pơgang hơjan ia dăo, lŏn tơhlŏm amăng hrơi dŏ pơ sang kah hăng: Ƀu dưi nao giăm ia krông, čroh hnoh mă akan, mă djuh ôh; ƀu dưi nao pơ tơdrông ia blai lơ̆m hơmâo ia prong, hơdôm anih lŏn tơhlŏm.

Siu H’Mai: Pơblang