Tui hăng anun, mơ̆ng lơ 15/11/2022 truh abih lơ 5/2/2023, Kông an Dak Nông mơ̆ng tơring čar truh pơ să khom thâo tong ten tơlơi pơhing amăng anih mă bruă, hmao kru lăi pơthâo anom bruă ping gah, khua mua kơnuk kơna djop gưl, kiăng pơtum pran kơtang abih bang amăng glông bruă kơđi čar hăng mơnuih ƀôn sang hur har djru hrom pơhlôm hlâo, pơgăn tơlơi soh sat, lăi pơthâo bruă ngă soh sat črih čruai mơnuih mơnam, hơdôm tơlơi ngă soh hăng tơlơi phiăn; pơsir khut khăt mơtam hơdôm tơlơi rung răng tơnap tap kơ rung răng mơnuih mơnam.

Pơhiăp ƀơi mông tơgŭ ngă bruă, Đaị tá Bùi Quang Thanh, Khua kông an tơring čar Dak Nông pơtrun hiăp djop anom bruă tơhan kông an amăng tơring čar khom răng kơđiăng bruă mă, ngă djơ̆ tơlơi pơtrun, mă bruă tơpă, kiăng ngă giong bruă jao kơsung mă, pơrai, pơgăn tơlơi soh sat mơ̆ng plơi pla mơtam.