Tlam lơ 21/10, Kông ang Dak Lak pơphun Jơnum lăng glăi hơdôm bruă pioh hơdor glăi 60 thun Hrơi gru grua tơhan kông ang. Amăng thun blan laih rơgao, kông ang tơring čar Dak Lak hơmâo gum hrŏm hăng Khul adôh suang tơring čar Dak Lak pơphun brơi ƀing ling tơhan kông ang hăng mơnuih ƀon sang mut hrŏm hơdôm tal pơplông yua Ding jum kông ang pơphun. Amăng anun, hơmâo 4 tơlơi pơplông prong anun lĕ: tơlơi pơplông čih pel ĕp glăi 60 thun Hrơi gru grua tơhan pôlih; tơlơi čih lăi nao tơhan pôlih ba gru, tơlơi pơplông kač rup hăng mă video clip hăng anăn “ƀing tơhan hăng pran gơgrong pơhlôm hơđong tơlơi hơdip mơnuih ƀon sang” hăng tơlơi pơplông ƀing ba gru mơng Kông ang.

Pơpŭ bơni ƀing mơnuih hơmâo tơlơi dưi amăng tal pơplông

Ƀrô tal anai, Jơnum min mơnuih ƀon sang tơring čar  Dak Lak hơmâo jao hră pơpŭ brơi 25 khul grup hăng ƀing mơnuih hơmâo lu tơlơi gum pơgôp amăng pơphô bruă, pơphun pơplông hrăm pơnah phao, hrăm taih, hrăm gah bruă tơhan. Ding jum kông ang hơmâo jao hră pơpŭ brơi ƀing mơnuih hơmâo lu tơlơi dưi amăng pơphun phĭn rup hăng mă video clip hăng anăn tơhan ba gru amăng pơhlôm rơnuk rơnua tơlơi hơdip mơnuih ƀon sang.