Thun 2023, tơlơi rơnuk rơnua hơđong, pơhlôm mơnuih mơnam ƀơi tơring čar Gia Lai dưi pơhlôm hơđong. Kiăo tui anun, Kông ang tơring čar Gia Lai hmâo pok laih 4 tal hyu mă bruă pơgang pơgăn ƀing ngă soh; hyu pel ĕp, thâo hmâo 863 mơta kơđi tơlơi, hăng rơbêh kơ 1.400 mơnuih ba nao ngă kơđi; mă pơkŏng 855 čô mơnuih, mă pơhrui 6 klai 300 klăk prăk tla glăi kơ mơnuih gơñu ngă soh.

Ƀirô tơhan polih pel ĕp hơdôm gưl pel ĕp, klah čun, rơkâo ngă kơđi kơ 1.100 mơta kơđi tơlơi, hăng rơbêh kơ 2000 čô mơnuih ngă soh; thâo tơgŭ kơđi 17 mơta tơlơi, hăng 30 čô mơnuih kơ tơlơi soh hưp ƀong kông ngăn, mă pơhrui rơbêh kơ 3 klai 700 klăk prăk. Nao pơhmư̆ mông jơnum, ơi Trương Hải Long – Kơ-iăng Khua git gai Ping gah tơring čar, Khua Jơnum min mơnuih ƀôn sang tơring čar Gia Lai rơkâo, thun 2024 Kông ang tơring čar Gia Lai gum hrŏm pơphô ba glăi bôh tơhnal kơ Jơnum min mơnuih ƀôn sang tơring čar kơ bruă pơhlôm rơnuk rơnua hơđong, pơhlôm bruă kơđi čar; kơdŏng glăi klă hăng ƀing ngă soh, biă ñu amăng tal Tết tui phiăn juăt Giáp Thìn 2024./.