Đing nao pơsir hĭ bruă klĕ dŏp, čan prăk mă kmlai lu, sĭ gơnam pơkra mă ča čot, gơnam sat răm, mliă, boh pơtuh; pơtrut kơtang bruă hyu tir wai lăng amăng jơlan glông…Anai lĕ hơdôm bruă jao phun hơmâo kông ang tơring čar Dak Lak pok pơhai ngă tui amăng tal pơphun ngă bruă kơtang hloh kiăng pơgăn ƀing ngă soh, pơhlôm rơnuk rơnua hlâo, amăng hrơi ƀong tết hăng tơdơi hrơi ngui tết Giáp Thìn 2024”.

Tui anun, tal pơphun ngă bruă kơtang hloh kiăng pơgăn ƀing ngă soh pơhlôm hơđong amăng bơyan anai hơmâo kông ang tơring čar Dak Lak pok pơhai mơng lơ 15/12/2023 truh abih lơ 29/2/2024. Djop anom bruă amra đing nao kiăo tui lăng ƀơi ƀon lan, hyu tir lu ƀiă dong, hmao tlôn ĕp ƀuh, kơdong glăi ƀong ngă soh, anăm brơi hơmâo bruă ngă pirat, rung răng, pơhlôm kjăp brơi hơdôm anih anom phun. Pơphun hyu tir hơgŏm amăng ƀon lan, sit biă ñu lĕ brơi tong ten, pơkiăo nao lu tơhan, rơdêh, hơdôm hơdră pơgăn ƀing ngă soh.