Ƀơi anăp tơlơi anai, Gơnong bruă pơtô pơhrăm tơring čar Kontum glăk ngă tui lu bruă pơsir kiăng pơhlôm bruă pơtô ƀơi hơdôm bôh sang hră. Tơlơi pơhing mơng Gơnong bruă pơtô pơhrăm tơring čar Kontum brơi ƀuh, hăng gưl Čơđai anet ră anai tơring čar dô̆ kơƀah 705 tơhnal pơkă tui phiăn, Gưl sa kơƀah 477 čô nai, Gưl 2 kơƀah 497 čô nai hăng Gưl tlâo 43 čô nai.

Nai Cao Thanh Diễm Quỳnh gơgrong pơtô tơlơi Anglê ƀơi 2 bôh sang hră gưl sa amăng plơi prong Kontum

Kiăng pơsir tơlơi anai, Gơnong bruă pơtô pơhrăm tơring čar Kontum hmâo dưp dăp, pơmut hrom hơdôm anih anom sang hră pơtô čơđai anet, hơdôm gưl hmâo rơwang pơkă anet; Pơpha bruă mă, anih anom, git gai khul mơnuih mă bruă wai lăng, nai pơtô, mơnuih mă bruă pơkon amăng rim tơring glông, hơkrŭ pơsir tơlơi rơbêh, kơƀah ƀơi sa dua bit anih ƀơi hơdôm bôh plơi pla; Pơpha bruă, pơpha nai pơtô gưl 3 pơtô sa dua mơta tơlơi hrăm mông hrăm ƀơi gưl 2, nai pơtô gưl 2 pơtô sa dua mơta tơlơi hrăm ƀơi gưl sa. Gơnong bruă pơtô pơhrăm tơring čar Kontum ăt hmâo rơkâo mơn Ding jum pơtô pơhrăm pơhrua nao mrô nai pơtô tui phiăn pơkă gah bruă pơtô pơhrăm dô̆ kơƀah./.