VOV4.Jarai - Tơdơi kơ kơthel tal 4, ƀơi tơring glông Tŭ Mrông, tơring čar Kontum hmâo dong ia prong mơng gah hlâu luh nao ngă guang dar ƀơi 3 bôh să gah tơring glông Tŭ Mrông, anun lĕ: Măng Ri, Đăk Na hăng Đăk Sao. Tlâo bôh să anai, ră anai hmâo abih bang mrô mơnuih ƀôn sang năng ai ñu rơbêh 8.000 čô mơnuih.

Pơsir tơlơi ia guang dar ƀơi tơring glông Tŭ Mrông

Rơngiao kơ ƀơi să Tê Xăng, yua kơ lŏn tơhroh ƀơi plăng pơgang jơlan, lŏn bôh pơtâo dor lŏp jơlan nao rai, anun 147 bôh sang anô̆ mơnuih ƀôn sang ƀơi plơi Tu Thó ia guang dar. Ơi Võ Trung Mạnh, Khua Jơnum min mơnuih ƀôn sang tơring glông Tŭ Mrông brơi thâo, gong gai tơring glông hmâo iâu pơhrui khul mơnuih tañ hơkrŭ pơkra glăi. Rơđah biă ñu hăng jơlan Măng Ri, Jơnum min mơnuih ƀôn sang tơring glông hmâo črâo ba tơhan plơi, kông ang, hlăk ai djru mơnuih ƀôn sang yŏng kung rơdêh, pơtrut rơdêh găn đing ia hmâo ia kor. Ră anai kơnong kơ plơi Tu Thó, să Tê Xăng ia guang dar abih bang. Khul gơgrong bruă hlăk rŭ pơkra glăi tañ hloh./.

VOV4.TN čih

Siu H’ Prăk pơblang