Khua dêh čar pơsit tong, Kơnuk kơna Việt Nam lêng pơtrut pơsur hơdôm anom bơwih ƀong sĭ mơdrô Khač pok prong ngă hrŏm, kơtưn tuh pơ alin amăng djop mơta bruă mơ̆ dêh čar Khač hơmâo tơlơi dưi prong, Việt Nam glăk kaiwng hăng đing nao biă mă, kar hăng bruă pơplih pơčeh phrâo, pơplih yua boh thâo phrâo, plơi prong rơgơi, tuh tia pơkra ming klă hloh, man pơkra anih anom, jơlan glông, jơlan rơdêh treng, ia jrao, pơtô pơjuăt…,pơjing hăng pok pơhai hơdôm akŏ bruă ngă hrŏm tong ten amăng hơdră ngă hrŏm tui jơlan gah ngă hrŏm dua bơnah hơmâo akŏ pơjing hăng djop tơhnal ngă hrŏm djop bơnah mơ̆ dua boh dêh čar mut hrŏm.

Khua dêh čar ăt čang rơmang hơdôm anom bơwih ƀong sĭ mơdrô pơprong mơng dêh čar Khač ngă hrŏm kiăng tañ hơmâo hơdôm akŏ bruă prong, boh thâo ia rơgơi phrâo hăng lăp djơ̆ hăng tơlơi rơkâo mơng Việt Nam, mă yua hơdôm hơbô̆ bruă bơwih ƀong sĭ mơdrô hơđong kjăp amăng bơwih ƀong mơtah, bơwih ƀong yua boh thâo phrâo, bơwih ƀong rơgơi, ngă gêh gal brơi hơdôm anom bơwih ƀong sĭ mơdrô Việt Nam dưi mut hrŏm tui rơnoh sĭ mơdrô, glông pơdŭ pơgiăng hyu gơnam nao hơdôm anih anom, hơdôm boh kual amăng rŏng lŏn tơnah.