Yă Bùi Thị Minh Hoài brơi thâo mơ̆ng akŏ thun 2026, tơlơi rô nao rai plah wah Việt Nam-Kur ăt pơđĭ kyar hiam klă, hăng lu tal nao čuă jơmư trư găn nao rai, bưp ƀing khua mua pơprong, biă mă ñu khua mua ping gah hăng khua mua klâo boh dêh čar Việt Nam-Lao-Kur, djru pơtrut tơlơi đăo kơnang bruă kơđi čar, ngă kơjăp tui bruă ngă hrŏm phun.

Ƀơi mông bơkơtuai, dua bơnah tŭ ư hrŏm, pơtrut bruă ngă kiăng jĕ giăm nao rai mơnuih ƀôn sang, biă mă ñu ƀing hlăk ai, đah kơmơi, mơnuih thâo hră; pơtrut bruă ngă hrŏm djop tơring čar ƀơi guai dêh čar; hơdai gum hrŏm jơnum prong jar kmar kiăng pơgang guai dêh čar rơnuk rơnua mơak klă, giăng mah, gum hrŏm pơđĭ kyar tal 7 ƀơi dêh čar Kur thun 2026, anăp nao hơdor glăi tal 60 thun hrơi ngă bruă pơtom hiăp dua boh dêh čar, laih dơ̆ng rơkâo ngă gêh găl brơi mơnuih ƀôn sang djuai ania Việt dŏ ƀơi dêh čar Kur hơđong tơlơi hơdip mơda.