Thun blan rơgao, mah lu anom bruă kơnuk kơna gir run laih pơgăn, samơ̆ mrô mơnuih yua ma túy djup hot jrao gơñ ăt ƀu hrŏ ôh, tăp năng lu tui dơ̆ng hăng tơnap tap hloh. Phun ñu lĕ yua tơlơi thâo hluh mơ̆ng mơnuih ƀôn sang,boh nik ñu amăng ƀing tơdăm dra hlăk ai thâo krăn kơ anŏ bơbeč sat mơ̆ng hot jrao ma túy.

Pơhiăp ƀơi mông kĭ pơkôl, Kơ-iăng Khua ding jum Pơtôm hăng pơjuăt, Ngô Thị Minh lăi pơtong: Bruă ngă tong ten pơtô pơblang, pơhrăm tơlơi thâo kơ bruă pơgăn tơlơi soh sat, črih čruai mơnuih mơnam hăng ngă soh tơlơi phiăn, biă mă ñu bruă pơhlôm, pơgăng hot jrao ma túy amăng sang hră ƀu kơnong pơtrut bruă ngă djru khul nai pơtô hăng čơđai sang hră đôč ôh, dŏ ngă bang bơngač truh djop mơnuih mơnam.