VOV4.Jarai-Lơ 26/9, pơhiăp đĭ amăng mông jơnum lăng nao rai amăng tivi pơtrut brơi mă yua prăk čan tuh pơ alin kơ bruă čar hăng ngă tui 3 hơdră bruă dêh čar pơtrun, Khua dêh čar ơi Phạm Minh Chính rơkâo, khom gir run hloh, pok pơhai lu hơdră kơtang hloh ngă giong tơhnal pơtrun mă yua prăk tuh pơ alin kơ bruă čar thun 2022. Kơ bruă ngă pơ anăp anai, Khua dêh čar rơkâo djop ding jum, anom bruă, djop tơring čar ăt pơtrut brơi mă yua rơnoh prăk 75 rơbâo klai prăk dŏ glăi kơ hơdôm kơčăo bruă djop bruă mă.

Djop grup hyu mă bruă ăt pok pơhai bruă mă, sem lăng rah, pơtrut tui rah bruămă, kiăng djop sang bruă pơsir mơtam tơlơi tơnap tap, gun gan. Djop anom bruă, sang bruă, tơring čar ngă hrom tong ten pơsir hĭ tơlơi tơnap tap. Hơdôm ding jum ngă hrom, mơneč mă tơlơi gêh găl anăm bơjang nao rai ôh. Khua dêh čar rơkâo djop tơring čar đing nao khom thâo tong ten tơlơi pơhing, čih pioh, lăi pơthâo tơlơi tơnap tap, gun gan anun hăng pơčrâo brơi bruă ngă, mơ̆ng anun khom pơsir hmar ƀiă.

Nay Jek: Pơblang