Amăng mông bưp, thượng tướng Phạm Hoài Nam lăng yôm bruă Ding jum ling tơhan Japan hăng keh prăk pơgang rơnuk rơnua Sasakawa hơmâo gum hrŏm kjăp hăng Ding jum ling tơhan Việt Nam pok pơhai Jơlan hơdră pơbưp nao rai ling tơhan gưl tá, gưl úy Việt Nam-Japan amăng 7 thun rơgao.

Thượng tướng Phạm Hoài Nam lăi pơtong Việt Nam lăng yôm bruă kơtưn pơbưp nao rai, ngă hrŏm kơplah wah djop khul grup, lăng anai lĕ glông ngă hrŏm ba glăi tŭ yua yua kơ tơlơi dưi mơng mơnuih ƀôn sang dua bơnah. Thượng tướng Phạm Hoài Nam čang rơmang keh prăk pơgang rơnuk rơnua Sasakawa tŏ tui đing nao pok pơhai ngă hrŏm, djru brơi Việt Nam amăng pơtô pơjuăt, ia jrao, ayuh hyiăng, pơtô mơnuih mă bruă, sit biă ñu lĕ amăng bruă djru ană mơnuih hơmâo djru brơi ƀing drơi jăn ƀu klă, tơhan rơka, mơnuih djơ̆ jrao hret.