Ƀing khua pơƀut lăi nao boh tŭ yua bruă kơsem min hăng boh thao mă yua rup ƀơi êkrang, mrô rơnoh pơkă ayuh hyiăng lŏn adai, hră lơkak mrô hăng tơlơi rơgơi ană mơnuih ta pơčeh mă lơ̆m krăp lăng tơlơi pơplih mơ̆ng ia.

Mơ̆ng bruă sem lăng mrô rơnoh adai không phang, anŏ djrưh amăng lŏn, rơnoh ia hơjan, ia hơmâo amăng dơnao pơmut amăng plang mrô, hơdôm anom apăn bruă dưi đao lăng tañ adai ƀu lăp kơƀah ia tui rim kual. Măi krăo lăng hăng hơdră pơčeh phrâo, mă yua mrô rơnoh či sem lăng tong ten tơlơi truh, giong anun pơhŭi hlâo lăp djơ̆ djru ba anom bruă wai Kơnuk kơna hăng tơring čar prăp rơmet hơdră krăp lăng, pơhŭi hlâo adai không phang, kơƀah ia kơ bruă ngă hmua pla pơjing tui jơlan ngă bruă prăp rơmet hlâo hăng rơđah rơđông, djru plai ƀiă hơmâo tơlơi răm ƀăm yua tơlơi truh lŏn adai ngă hăng pơđĭ kyar ngă hmua hơđong kjăp. Bruă mă yua boh thâo ia rơgơi krăo lăng rơngit adai pơmut hrŏm hăng mă yua boh thâo mrô amăng bruă wai lăng dơnao kŏng ia jing bruă khŏm ngă ƀơ̆i yơh, či pơđĭ tui tơlơi rơgơi wai lăng, pơđoh tơbiă ia amăng dơnao klă, kiăo tui hrơi mông sit, pơđĭ tui anŏ klă bruă pruih ia kơ phun pla hăng pơgang pơhlom tơlơi truh lŏn adai ngă.