Git gai mông jơnum bưp ƀô̆ mơta, Khua tơhan sơlup Nguyễn Hữu Thoan brơi thâo: Thun blan rơgao, khua mua, ling tơhan sơlup kual 5 tŭ mă tơlơi djru ba, đing nao mơ̆ng lu tơring čar, anom bruă amăng dêh čar. Anai yơh anŏ pơtrut pran jua, tơlơi pơmin kơ ƀing khua mua, ling tơhan ƀơi lu puih kơđông tơhan sơlup hơđong pran jua mă bruă, ngă giong bruă jao.

Pơ ala kơ grup khua mua mơ̆ng 10 boh tơring čar, ƀôn prong gah dơnung, Kơ-iăng khua Jơnum min mơnuih ƀôn sang tơring čar Vĩnh Long, ơi Đặng Văn Chính lăng yôm boh tơhnal bruă ngă kơđi čar mơ̆ng tơhan sơlup kual 5 hăng lăi tơring čar ăt pơtrut bruă mă anăp nao amăng kual ia rơsĭ, bul pơtâo, plao glai amăng ia rơsĭ dêh čar hăng lu bruă mă yôm, lăp djơ̆ pioh kơ ƀing khua mua, ling tơhan ia rơsĭ, jing tơhan sơlup ngă klă bruă jao, pơgang guai lŏn ia, tơlơi dưi hing ang kơ dêh čar.