Ƀơi anih pơhrăm kơdŏng pơgang dêh čar ta pơphun mơng lơ 21/8 truh kơ 1/9 mơng 8 bôh tơring čar kual Tŏng Krah dêh čar – Dap Kơdư hmâo ƀuh laih 280 bit anih ƀu hơgom, amăng anun 202 bit anih ƀu hơgom hmâo rơnoh bơdjơ̆ nao sat, lu hloh dua wot hơdôm anih ƀu hơgom prong hmâo ĕp ƀuh amăng hơdôm tal pơhrăm kơdŏng pơgang thun 2022.

Tơlơi anai brơi ƀuh, hơdôm tal pơsuh plăng internet jai hrơi jai lu, rơnoh hơgom hăng glêh tơnap jai hrơi jai đĭ tui. Khul mơnuih mă bruă pơhlôm hơđong plăng internet khom hmâo bôh thâo hăng hơdră mă yua măi mok. Bruă pơhrăm lĕ sa amăng hơdôm jơlan ba glăi bôh tơhnal amăng pơđĭ tui bôh thâo kơ mơnuih mă bruă anai hăng djru pơgang tơlơi truh. Bruă pơhrăm anai amăng thun 2023 pơphun amăng 5 hrơi. Anô̆ pơhrăm lĕ glông lăi pơhing glăk mă yua ƀơi Dak Lak./.