Hơdôm hrơi rơgao, dưi hmâo tơlơi djru ba mơ̆ng Sang gum hơbit djop dêh čar hăng hơdôm bôh dêh čar kơ bruă wai lăng tơlơi rơnuk rơnua, Ding jum kông ang dêh čar Việt Nam hmâo pơphun hơdôm tal pơtô pơhrăm, pơhrăm bruă amăng dêh čar hăng dêh čar tač rơngiao brơi rơbêh kơ 70 wot čô sĩ quan pioh prăp lui gum hrŏm wai lăng tơlơi rơnuk rơnua Sang gum hơbit djop dêh čar.

Ră anai, Ding jum Kông ang Việt Nam hmâo 15 čô sĩ quan djơ̆ tui tơlơi rơkâo mơ̆ng Sang gum hơbit djop dêh čar pioh gum hrŏm wai lăng rơnuk rơnua tui hơdră drơi pô. Ding jum kông ang hmâo pơsit pơdŏng Anom bruă tơhan Polih wai lăng rơnuk rơnua mrô 1 amăng glông bruă wai lăng bôh thâo prăp lui pok pơhai bruă mă mơ̆ng Grŭp čih djă pioh Sang gum hơbit djop dêh čar. Tơlơi pơsit anai pơdah pran kơtang, pơkôl rơđah mơ̆ng Ping gah, Kơnuk kơna, Ding jum Kông ang Việt Nam gum hrŏm klă, hmâo pran gơgrong djă pioh rơnuk rơnua, hơđong, pơđĭ kyar ƀơi kual hăng ƀơi rŏng lŏn tơnah./.