Khua khul lĕ Kơ-iăng khua Jơnum min mơnuih ƀôn sang tơring čar ơi Lê Trọng Yên. Gơnong bruă pơkra gơnam, sĭ mơdrô jing anom bruă wai lăng, git gai rim hrơi, pơphô brơi, git gai kah pơpha bruă mă. Bruă kiăng ngă akŏ phun lĕ pok pơhai hơdôm bruă gah apui lơtrik, laih dong rơkâo đĭ Gơnong dlông pơklaih brơi anih dŏ đom gah lŏn tơnah, hră pơ-ar tuh pơ alin, man pơdong.

Ră anai, tơring čar hơmâo 14 kơčăo bruă pơkra apui lơtrik phrâo kual gah Ngŏ amăng hơmâo amăng anăn kiăng pơkra tui Tơlơi pơtrun mrô 233 mơ̆ng Kơnuk kơna, hơmâo 6 kơčăo bruă pơkra apui lơtrik pơkĕ jua angin hăng 8 kơčăo bruă apui lơtrik hrip pơ-iă yang hrơi; amăng anun hơmâo 12 kơčăo bruă mă yua laih samơ̆ aka ƀu hơmâo brơi prăk ôh. Bruă akŏ pơdong Khul črâo bruă hơmâo čang rơmang pơtrut tui ngă hrŏm pơlir lu anom bruă, pơhlom klă kơ anom tuh pơ alin, djru bong kjăp, hơđong apui yua hăng pơtrut đĭ kyar bơwih ƀong - mơnuih mơnam./.