Lâm Đồng čơkă rơdêh por blung a mơ̆ng Seoul por tơkuh hlao pơ Đà Lạt
Thứ bảy, 08:53, 23/12/2023
VOV Tây Nguyên/Siu H'Mai Pơblang
VOV Tây Nguyên/Siu H'Mai Pơblang
VOV4.Jarai - Mơguah sing bring lơ 21/2, rơdêh por por tơphă mơ̆ng Seoul (Hàn Quốc) truh pơ Đà Lạt (Lâm Đồng) hơmâo plĕ trun laih pơ tơdron rơdêh por Liên Khương lơ̆m 3 mông, pơphun glông por tơkuh nao rai Seoul - Đà Lạt, hơmâo por pơwơ̆t nao rai 7 wơ̆t lơ̆m ha wơ̆t hrơi tơjuh.
Jơlan por Seoul - Đà Lạt hơmâo mơ̆ng Anom bruă rơdêh por Jeju Air dêh čar Hàn Quốc. Tơdơi kơ tal por blung a, rơdêh por anai amra por nao rai 7 wơ̆t lơ̆m ha wơ̆t hrơi tơjuh. Anai jing glông por tal 3 mơ̆ng Hàn Quốc pôr tơphă pơ Đà Lạt. 2 glông por tơkuh nao rai hơmâo pok hlâo kơ anun lĕ Đà Lạt -Busan hăng Đà Lạt - Jeju.
Tui hăng ơi Nguyễn Ngọc Phúc, Kơ-iăng khua Jơnum min mơnuih ƀôn sang tơring čar Lâm Đồng, mơ̆ng akŏ thun truh ră anai, Đà Lạt - Lâm Đồng hơmâo čơkă rơbêh 363.000 wơ̆t čô tuai jar kmar, amăng anun ƀing tuai hyu ngui rai mơ̆ng Hàn Quốc hơmâo 60%. Bruă pok thim jơlan por Đà Lạt - Seoul amra djru pơđĭ kyar bruă tuai hyu ngui hăng tơlơi bơwih ƀong mơ̆ng dua bơnah.
Viết bình luận