Giăm hmâo 250 čô khua pơ ala rơbêh kơ 65.000 mơnuih amăng khul tơring čar Lâm Đồng nao pơhmư̆. Khă bŏng glăi hăng lu tơlơi tơnap yua bơbeč mơ̆ng klin Covid-19, samơ̆ hơdôm gưl khul mut phung tơring čar Lâm Đồng hmâo gir run ngă tui truh kih hơdôm bruă jao, jơlan pơsir, ngă giong hăng yak rơgao hơdôm tơhnal pơkă mơ̆ Tơlơi pơtrun pơsit Jơnum tal 9 Khul mut phung tơring čar hmâo ba tơbiă.

Amăng anun, rơđah biă ñu lĕ ngă klă bruă pơ ala, bơwih brơi, pơgang ba tơlơi dưi, bôh tŭ yua djơ̆ phiăn, lăp djơ̆ mơ̆ng mơnuih mă bruă. Rơđah biă ñu, hmâo laih giăm truh 79.000 wot čô mơnuih amăng khul, mơnuih mă bruă dưi tơña bla, ƀơk gơnam tam hluai tui jơlan hơdră “Tết tum jơngum”; 46.500 wot čô mơnuih dưi blơi gơnam, mă yua bruă bơwih brơi mơ̆ng 85 bôh anom bơwih ƀong hăng nua rơgêh hloh; djru pơdŏng, pơplih pơkra 118 bôh sang dô̆ mơnuih amăng khul, mơnuih mă bruă hmâo tơlơi hơdip tơnap... Jơnum hmâo ruah laih Grŭp mă bruă Khul mut phung tơring čar Lâm Đồng tal 10, rơwang bruă 2023-2028 hmâo 32 čô mơnuih./.