Ră anai, Đà Lạt hơmâo rơbêh 2.900 ha sang mơnil amăng 10 boh phường, hơmâo rơbêh  60% lŏn pla añăm hla rok, bơnga mơ̆ng plơi prong. Ƀơi anăp tơlơi anai, tơring čar Lâm Đồng hơmâo hơdră ba pơđuăi abih bang sang mơnil ngă hmua tơbiă đuăi amăng lăm plơi prong prong Đà Lạt. Amăng anun, gơñăm nao truh thun 2025 hrŏ trun 20% lŏn hmua laih anun anăp nao thun 2030 amra ƀu hơmâo sang mơnil dong tah amăng lăm plơi prong Đà Lạt.

Kiăng dưi ngă bruă anai kiăng hơmâo prăk čan, hăng mrô prăk truh kơ 4.820 klai prăk ruh pơđuăi, djru pơplih phun pla amăng sang mơnil jing pla gah rơngiao dong. Yua hnun, Gơnong bruă hmua hăng pơđĭ kyar ƀôn lan Lâm Đồng kiăng tơring čar Lâm Đồng rơkâo Sang bruă prăk Kơnuk kơna Việt Nam ƀơi Lâm Đồng sem lăng, ngă kiăo tui jơlan hơdră brơi čan pơtrut đĭ kyar ngă hmua hăng boh thâo phrâo, ngă hmua hơdjă, đah mơ̆ng pơčrâo brơi jơlan kiăng hơdôm sang bruă prăk djru brơi čan, pơhlôm bruă ba pơđuăi sang mơnil mơ̆ng plơi prong Đà Lạt.