Jơlan rơdêh đuăi hmar Tân Phú - Bảo Lộc, ngă hrŏm kơnuk kơna hăng mơnuih ƀôn sang, glông 66km, amăng anun hơmâo glông găn nao pơ Lâm Đồng lĕ 55km, man mơ̆ng lơ 19/12/2025. Bruă čuk pơkra lŏn pioh ngă jơlan hơmâo pơphun mơ̆ng blan 10 thun 2025. Truh ră anai, hơmâo kĭ laih hră duh prăk lŏn tơnah kơ 590/808 boh sang anŏ bơbeč yua.

Hăng Kơčăo bruă jơlan rơdêh đuăi hmar Kơdư - Dơnung gah Yŭ, črăn nao Gia Nghĩa - Chơn Thành glông giăm 129km, amăng anun glông jơlan găn nao pơ Lâm Đồng glông rơbêh 23km hơmâo laih 135/152 boh sang hơmâo kĭ hră duh prăk, him lăng hơmâo ngă giong amăng blan 1/2026. Hăng jơlan rơdêh đuăi hmar Bảo Lộc - Liên Khương, glông 74km, hơmâo laih 2.347 pok hră/2.464 pok hră hơmâo kĭ tla prăk. Yap abih bang 3 kơčăo bruă, mrô hră kiăng duh prăk lŏn hơmâo kĭ rơbêh kơ 87% laih./.