Abih tih rơnoh prăk tuh pơ alin man pơdong thun 2023 amăng tơring čar Lâm Đồng rơbêh 8.000 klai prăk. Samơ̆ truh ră anai, kơnong jao trun rơbêh 3.500 klai prăk, 43% pơhmu hăng mrô pơkă. Ƀơi anăp kơ bruă prăk tuh pơ alin jao trun kaih, Jơnum min mơnuih ƀôn sang tơring čar Lâm Đồng rơkâo djop anom bruă bơdjơ̆ nao ječ ameč pel ĕp hăng ba tơbiă hơdôm hơdră djơ̆ hăng tơlơi sit nik mơng rĭm ring bruă. Hluai tui tơlơi anun, kiăng kiăo tui na nao, pơtrut pơsur kiăng tan man pơkra, jao prăk tuh pơ alin.

Tui ơi Trần Văn Hiệp, Khua Jơnum min mơnuih ƀôn sang tơring čar Lâm Đồng, kiăng ngă tui bruă anai, hrŏm hăng bruă rơkâo anom bruă tuh pơ alin ƀuăn man pơkra djơ̆ thun blan, tơring čar amra hluai tui anun kiăng lăng glăi, sem lăng ƀing apăn bruă glăm ba bruă jao hiưm pă ñu.