Kiăng bơwih brơi mông jơnum, 4 grup djru bruă mơ̆ng Grup pơphun jơnum hơmâo: Pôr pơhing; djru prăp rơmet hră pơ-ar, ia mơñum; Rơnuk rơnua hăng lăng ba tơlơi suaih pral kơ ƀing khua glăk gir ngă bruă tui hăng hơnong pơkă, biă ñu lĕ bruă prăp lui gơnam yua, čơkă tuai, pôr pơhing, ia jrao hăng pơhlôm rơnuk rơnua.

Bruă wai lăng rơnuk rơnua hơmâo tơhan kông an, ling tơhan prăp rơmet rơđah rơđông, dưm kơnar, dưi pơgang djŏp tơlơi tơlơi truh tơdah hơmâo hlâo, amăng hăng tơdơi kơ mông jơnum. Hăng tơlơi gum ngă bruă, prăp lui hlâo mơ̆ng hơdôm anom apăn bruă, tơring čar Lâm Đồng glăk prăp lui giong laih kơ mông jơnum kơđi čar yôm. Tui hăng akŏ bruă, Jơnum amra pơphun mơ̆ng lơ 9-11/10/2025 hơmâo 498 čô khua, hơmâo 92 čô khua glăk ngă bruă, laih dong 406 čô khua hơmâo ruah nao jơnum./.