Yua ngă tui khut khăt hăng sa amăng plĕ lu hơdră, tơlơi bơwih ƀong huă mơnuih mơnam thun 2022 Lâm Đồng ăt pơđĭ kyar, tŭ mă lu boh tơhnal yôm amăng djop bruă. Abih bang 18/18 tơhnal pơkă lêng kơ ngă djop soh hăng rơgao tơhnal pơkă. Lăp ƀuh rơđah, hnong pơđĭ kyar truh rơbêh 11%, prăk pơhrui glăi mă jia 13 rơbâo klai, đĭ tui 2000 klai pơkă hăng rơnoh jao, đĭ hloh 18% pơkă hăng thun hlâo; prăk sĭ mơdrô hăng tač rơngiao pơhrui glăi truh 886 klăk USD; pơhrui glăi pơkă dưm dưm rĭm čô mơnuih mă bruă sa thun rơbêh 75 klăk; čơkă 7 klăk wơ̆t tuai hyu ngui, đĭ 340% pơkă hăng tal anai thun hlâo.

Pơhiăp git gai jơnum, ơi Trần Văn Hiệp, Khua jơnum min mơnuih ƀôn sang tơring čar Lâm Đồng lăi pơtong, hơdôm tơlơi aka ƀu găl pơsir truh kih amăng thun 2023. Amăng anun, biă mă ñu đing nao dăp hơdră hăng ngă tui tŭ yua Hră pơtrun 23 mơ̆ng Ding jum kơđi čar hăng hơdôm bruă mă tum teč rơđah rơđong.