Mơng pel ĕp, sem lăng, anom bruă bơdjơ̆ nao tơring čar Lâm Đồng pơsit hơmâo 109 boh tơdrông sô kiăng ječ ameč pơkra ming ƀudah pơkra phrâo. Lu tơdrông ƀơi kual ataih, asuek, kual mơnuih djuai ania ƀiă ƀơi hơdôm boh tơring glông Đức Trọng, Di Linh, Bảo Lâm, Đam Rông…

Tui ơi Hoàng Anh Tuấn, kơ-iăng Khua gơnong bruă wai lăng jơlan glông tơring čar Lâm Đồng, kiăng pơhlôm rơnuk rơnua, djơ̆ hăng tơlơi rơkâo găn nao rai, gêh gal pơdŭ pơgiăng gơnam hăng tơlơi hơdip kơ mơnuih ƀôn sang, sit biă ñu amăng bơyan hơjan kơthel, tơring čar glăk prap lui bruă pơkra ming hơdôm boh tơdrông anai. Kiăng pơkra ming, pơhlôm kjăp ƀudah pơkra phrâo hăng hơdôm boh tơdrông sô, prăk mă yua kiăng giăm 965 klai prăk brơi 109 boh tơdrông.