Amăng dua hrơi lơ 14 hăng 15/7, Ping gah să Đơn Dương (tơring čar Lâm Đồng) pơphun jơnum truh kih Jơnum ping gah tal sa, rơwang bruă thun 2025-2030. Anai jing mông jơnum blung a ƀơi să tơdơi kơ pơmut hrŏm tơring čar hăng mă bruă tui gong gai dua gưl mơ̆ng lơ 1/7. Tơdơi kơ pơđut mông jơnum, Kơ-iăng khua dêh čar ơi Nguyễn Hòa Bình git gai jơnum lăng glăi djŏp mơta tơlơi dưi ngă, aka ƀu dưi ngă, lăi pơthâo hơbô̆ bruă jơnum ping gah pơ 123 boh să phường amăng tơring čar. Ƀing khua lăng yôm tơlơi prăp rơmet mơ̆ng Khul khua apăn bruă Ping gah tơring čar hăng Ping gah să Đơn Dương.

Pơhiăp ƀơi mông jơnum, Kơ-iăng khua dêh čar ơi Nguyễn Hòa Bình lăi, mông jơnum ƀu kơnong jing bruă kơđi čar mơ̆ng Ping gah đôč ôh ăt pơjing rai tơlơi hok mơak hơmâo pran jua amăng mơnuih ƀôn sang. Hlâo kơ hrơi kơnum, kiăng pơphun bruă bơkơtưn, ngă bruă čơkă hrơi jơnum hăng bruă sit nik, tŭ yua, ƀu kơnong bruă kơnuk kơna tuh pơ alin đôč ôh, wơ̆t hăng mơnuih ƀôn sang tuh pơ alin hai, kiăng pơtrut pơsur tơring čar đĭ kyar tơdơi kơ pơmut hrŏm./.