ơlơi kiăng mơ̆ng tơring čar lĕ kiăng abih bang anih hrăm thâo pơhiăp, thâo čih tơlơi tač rơngiao, thâo hrăm tơlơi rơgơi, boh thâo ia rơgơi phrâo hăng mut hrŏm jar kmar; laih dong kiăng hơmâo lu mơnuih mă bruă  amăng hơdôm bruă glăk đĭ kyar kah hăng čơkă tuai hyu ngui, bơwih bơwang, ngă hmua hăng boh thâo phrâo, laih anun ngă hrŏm jar kmar.

Hăng bruă pơtô hrăm kơ abih bang, tơring čar amra sem lăng tơlơi kiăng hrăm tơlơi Anglê, pơtô na nao tơlơi Prang ƀơi hơdôm anih dưi pơtô; laih dong lông pơtô tơlơi čar Kur, biă ñu ƀơi hơdôm boh să pơ guai. Him lăng, blung a amra pơtô ƀơi 2 boh sang hră gưl 2, jing hơmâo 15% mrô sang hră pơ kual anai. Bruă pơtô tơlơi Kur ƀơi hơdôm boh să pơ guai ƀu kơnong pơđĭ tui anŏ klă bruă pơtô hrăm tơlơi tač rơngiao đôč ôh, ăt dưi bơbưp nao rai mơnuih ƀôn sang hloh dong, pơtrut đĭ kyar bơwih ƀong huă - mơnuih mơnam, bong kjăp lŏn ia - rơnuk rơnua plơi pla, lăp djơ̆ hăng jơlan hơdră mut hrŏm hăng đĭ kyar hơđong kjăp mơ̆ng tơring čar Lâm Đồng pơ anăp anai./.