Thun 2022, abih bang kơčăo bruă ngăn rơnoh tuh pơplai bruă hrom mơng tơring čar Lâm Đồng dưi pơpha lĕ giăm truh kơ 6.500 klai prăk pioh pơkra 350 rơwang bruă. Amăng anun, hmâo 722 klai prăk lĕ prăk pơhrơ̆i mă mơng thun 2021. Yap truh lơ 15/11, tơring čar kơnong kơ pơsir hmâo 3.694 klai prăk, dưm dưm hăng 68,5% kơčăo bruă.

Ƀơi anăp tơlơi ngăn rơnoh tuh pơplai bruă hrom ƀơi tơring čar pơsir kaih, ơi Trần Văn Hiệp, Khua Jơnum min mơnuih ƀôn sang tơring čar Lâm Đồng brơi thâo amra khom pơsir mơtăm bruă gơgrong hăng ƀing pô tuh pơplai tơdah ƀu pơhlôm pơsir ngăn rơnoh tui djơ̆ kơčăo bruă. Truh rơnuč thun, anom hơpă ƀu dưi pơsir ngăn rơnoh lĕ rơkâo mă glăi ngăn rơnoh anun hăng ƀu pơsit glăi dong tah, khom gơgrong ba ring bruă dô̆ tơyơl. Hăng pô gơgrong lĕ khua jơnum min hăng khua hơdôm gơnong bruă, anom bruă glăm ba./.