Tui hăng Khul pơphun bruă, Anom bruă čih tơlơi pơhing jing anom bruă pơtruh brơi trup sa Lâm Đồng pơplih phrâo, rơgơi, thâo pơčeh, hơdeč hmar, mut hrŏm hăng đĭ kyar, djru ngă kjăp pran kơnang mơ̆ng mơnuih ƀôn sang, ngă brơi bruă bơkơtưn khăp kơ lŏn ia kơtang hloh, anăp nao tơlơi truh kih mơ̆ng mông Jơnum.

Ră anai hơmâo laih 70 anom bruă tơlơi pơhing amăng hăng gah rơngiao tơring čar čih anăn nao ngă bruă, pôr pơthâo kơ mông Jơnum anai. Kiăng ngă gal brơi ƀing hyu mă tơlơi pơhing, Anom bruă čih tơlơi pơhing hơmâo akŏ pơdong giăm Sang jơnum Sang hră tơhan Lục quân, phường Lâm Viên - Đà Lạt, hơmâo djŏp măi mok, pơtruh plang internet, hră pơ-ar, hăng rup sit mơ̆ng mông jơnum. Mơ̆ng anun djru pôr pơhing kơ mông Jơnum anai bang hyu, hmư̆ hing kơtang hloh, ƀơi djŏp djang anih./.