Lâm Đồng man pơkra jơlan rơdêh đuăi hmar Tân Phú - Bảo Lộc
Thứ ba, 10:41, 23/12/2025
VOV Tây Nguyên/Siu H'Mai Pơblang
VOV Tây Nguyên/Siu H'Mai Pơblang
VOV.Jarai - Ƀơi să Dạ Huoai, tơring čar Lâm Đồng hơmâo pơphun man pơdong jơlan rơdêh đuăi hmar Tân Phú - Bảo Lộc.
Bruă man pơkra jơlan đuăi hmar Tân Phú - Bảo Lộc hơmâo prăk tuh pơ alin rơbêh 18.000 klai. Jơlan anai glông giăm 66km, hơmâo 54km găn nao tơring čar Lâm Đồng hăng 12km nao pơ Đồng Nai; hơmâo 4 glông rơdêh đuăi. Pô tuh pơ alin lĕ Kông ti TNHH Grup bơwih ƀong Sơn Hải tui hơdră BOT (Man pơdong - Ngă bruă - Jao glăi).
Pơkra giong hăng mă yua amăng rơnuč thun 2027, jơlan đuăi hmar anai pơtruh hăng jơlan Dầu Giây - Tân Phú hăng Bảo Lộc - Liên Khương, jing glông jơlan đuăi hmar Dầu Giây - Liên Khương, pơtruh yom biă kual Ngŏ Dơnung hăng Lâm Đồng laih anun Dap Kơdư.
Viết bình luận